• No products in the cart.
Proceed to Checkout

Ciuri di Strata

‘N campagna, cantu cantu di li strati,

ammenzu di li petri e li ruvetti,

sutta l’irvuzza tennira ammucciati

unni cu l’api runzunu l’insetti,

 

ci sunu di ciuriddi in quantitati

ca spissu ‘n coddu lu pedi ci metti,

ciuriddi ca non su’ mancu guardati,

ciuri ca si li cogghi poi li jetti.

 

Aduri non ci nn’è, non si nni senti,

oppuru è troppu forti e pizzicanti

e non è fattu pri lu vostru nasu;

 

e iu ca l’hé ricotu certamenti

vi paru ‘na tistazza stravaganti,

a quantu m’haiu fattu pirsuasu.

Scroll to top