• No products in the cart.
Proceed to Checkout

Li me sunetti

Nino Martoglio

Iu li cugghivi ‘mmenzu li lurdumi,
‘ntra li taverni, ‘ntra lu lupanaru,
unni lu nustru suli è tantu avaru
di luci, nè virtù, nè c’è costumi.

Iu li cugghivi unni paru paru
Lu sangu allimarratu scurri a sciumi,
unni lu scuru è fittu e c’è pri lumi
sulu ocche luci luci picuraru.

E li cugghì di notti, spavintati,
tastiannu comu l’orvi muru muru
e zuppicannu comu li sciancati.

Pricchissu, ed anchi pricchì su’ sicuru
chi a fari lustru nun su’ distinati,
iu li vosi chiamari: «o’ scuru, o’ scuru»

li-me-sunetti-etichette
Scroll to top